Ыам ыйын 15 күнүгэр мааны Маҥааспытыгар»Дьиэ кэргэн «күнүн көрсө»Төрүччү- өбүгэ ситимэ» дьоһуннаах тэрээһин ааста.Хайа баҕарар киһи кимтэн кииннээҕин,хантан хааннааҕын билэр буоллаҕына,бу олоххо чиҥ тирэхтээх,өйөбүллээх,сиртэн ситимнээх буолар.Онтон сиэттэрэн сынньалаҥ киин үлэһиттэрэ,бастатан туран улууспут историятын,нэһилиэкпит тэриллиитин, Харбаалаҕа уутуйан олохсуйбут аҕа уустарын, илгэни-эйэни туппут ийэ уустарын туһунан кэпсээтилэр.Холобур оҥостон бэйэлэрин төрүччүлэрин кэпсээтилэр, өссө бу балысханнаах сайдыы кэмигэр төрөөбүт, сыыппара технологиятын баһылаабыт оҕолорго, төрүччүнү оҥорор приложение хачайдатан хайдах туһанары үөрэттилэр.Мин уонна дьиэ кэргэним диэнтэн саҕаланар,төрүччү аал луук маһын саҕалаан , кимтэн кииннээхтэрин,хантан хааннаахтарын кумааҕыга тиһэн, дьиэлэригэр илдьэ баран ийэлиин аҕалыын ситэрэрдии,элбэҕи билэрдии тэринэн бардылар.

—