Алтынньы 4 күнүгэр,Маҥааспытыгар СӨ Ил Дархана Айсен Николаев кыттыылаах өрөспүүбүлүкэ үрдүнэн 40 киинэ саалатын үөрүүлээх арыйыыта буолла. Нэһилиэкпит олохтоохторо «Кыталыктаах кырдалым» киинэни көрдүлэр.
Бүгүҥҥү күҥҥэ аан дойдуга көстөр киинэлэри көрдөрөргө олус элбэх хааччахтар баалларын судургутутунан маннык механизм, ааптарскай бырайыак толкуйдаммыт. Билиҥҥитэ киинэ саалалара Саха сирин отут нэһилиэгэр үлэлии тураллара биллэр.
Урукку сыллары ахтан аастахха, кулуупка тиийэн киинэ көрөрбүт сөргүтүллэн эрэр. Бу көстүү барыта култуура олоҕор, дьон олорор усулуобуйатыгар суолталаах буолара саарбаҕа суох.
Киносеть эйгэтигэр уһун кэмҥэ үлэлээбит киномеханиктары Ким Павлович Дяриковы,Зоя Даниловна Петрованы,Александра Сергеевна Степанованы,кэлиҥҥи киномеханиктар Виктор Михайловы,Розалия Львованы мустубут кырдьаҕастар истиҥник ахтан аастылар.
Саҥа саҕалааһын уһук нэһилиэктэр улахан куоракка,үөс сиргэ эрэ көстөр буруолуу сылдьар киинэлэри биир бастакынан көрөллөрүгэр үгүс үөрүүнү аҕалла.
Маҥааска киинэ саалата арыллыыыта баһылык солбуйааччыта Аркадий Гаврильевич Егоров эҕэрдэ тылынан уонна дьаһалта үлэһиттэрин алгыстаах сылаас алаадьыларынан арчыланна.
