2025 сыл кулун тутар 12 күнүгэр Оҥхой уонна Маҥаас нэһилиэктэригэр улуус баһылыгын социальнай боппуруостарыгар уонна дьиэ кэргэн бэлиитикэтигэр солбуйааччыта Анна Михайловна Уларова
салайааччылаах «Социальный десант» үлэлээтэ.
“Социальный десант” үлэтэ нэһилиэнньэни кытта көрсүһүүттэн саҕаланна.
Мунньаҕы бөлөх салайааччыта Уларова А.М. иилээн-саҕалаан ыытта. Улуус социальнай
эйгэтин тэрилтэлэрин салайааччылара, специалистара нэһилиэктэр олохтоохторугар бэйэлэрин
үлэлэрин хайысхаларын, нэһилиэнньэҕэ оҥоһуллар көмөлөр тустарынан кэпсээтилэр.
Социальнай көмүскэл уонна үлэҕэ социальнай сайдыыга управлениетын кылаабынай специалиһа
Роменская М. И., дьарыктаах буолуу киинин салайааччыта Петров Н. К., многофункциональнай киин начальнига Малычехарова А. В., биирдиилээн дьону кытта үлэлээтилэр, сүбэ-ама биэрдилэр. Уларова А.М., Трофимов И. В. Государственный фонд «Защитники Отечества» суруннуур специалиһа анал байыаннай дьайыыга сылдьар уолаттарбыт төрөппүттэригэр сылдьан хайдах олороллорун кердулэр, кэпсэттилэр. Туох кыһал5алаахтарын, боппуруостаахтарын билистилэр.
Норуот педагогикатын киинин директора Васильева Р.А. уонна Үөһээ Бүлүүтээҕи аҕалар түмсүүлэрин бэрэссэдээтэлэ Руфов А.В.
оскуолаҕа төрөппүттэргэ дьиэ кэргэҥҥэ оҕо иитиитин туһунан мунньах ыыттылар, оҕо иитиитигэр субэ-ама
биэрдилэр. Сокуоннай саастарын ситэ илик оҕолор дьыалаларын көрөр уонна кинилэр бырааптарын
көмүскүүр хамыыһыйа специалиһа Алексеева Н.И. уонна ис дьыала отделыттан ПДН инспектора
Ачикасов Н.А.
оскуола үөрэнээччилэригэр буруйу оҥорууну сэрэтэр сыаллаах кэпсэтии ыыттылар, иитэр үлэҕэ
сыһыаннаах үлэһиттэри кытта көрсөн кэпсэттилэр. Ону таһынан дьиэ кэргэн иитиитигэр көмөлөһөр киин социальнай үлэҕэ специалиһа Семенова М.И., опека отделын сүрүннүүр специлаиһа Алексеева В.В. буолан уустук түбэлтэҕэ түбэспит учуоттаах ыалларга сылдьан оҕолор олорор усулуобуйаларын
көрдүлэр.
Түмүккэ “Социальнай десант” кыттыылаахтара олохтоох дьаһалтаны кытта көрсөн бүгүҥҥү үлэ
түмүгүн ырыттылар уонна нэһилиэк олохтоохторун олоҕун тупсарар сыаллаах салгыы хайдах үлэ
барыахтааҕын сүбэлэстилэр.