Ийэ- мин тыынар салгыным
Ийэ- мин көтөр кынатым,
Ийэ-дьоллоох оҕо сааһым
Ийэ- иэйэр кутум сүрүм.

Ийэбит иннигэр хаһан да
Төлөммөт бараммат иэстээхпит,
Ол ону ийэбит букатын
Ирдээбэт иэстээбэт хаһан да.

   Нэһилиэкпит күн күбэй ийэлэрин эҕэрдэлээн туран ,ба5арыахпыт этэ бу орто дойдуга туох баар ба5арар үтүө санааҕыт туолуохтун, уонна Сахабыт сирин ытык буорун сөбүлээн үүнэр аар хатын курдук бөҕө-та5а силистээх, томороон тымныыларга тоһуттубат кытаанах умнастаах, ханныктаах да дьыбарга-хаһыҥҥа хагдарыйбат хойуу да хойуу күөх лабаалардаах, дьон сэргэ ытыктабылын ылан, уһун да уһун үйэлээх оло5у олоруҥ дуу-диэн  истиҥ иэйиилээх  эҕэрдэни кытта алгыспытын аныыбыт,уонна Ийэ дойдуларын туһугар мобилизацияҕа барбыт уолаттарбыт ийэлэригэр тулууру,кытаанах санааны,эрэли баҕарабыт.Бары этэҥҥэ эргиллэн кэлиэхтэрэ диэн эрэнэбит.
Нэһилиэкпит Аҕа Баһылыга Николай Григорьевич Илларионов мобилизациянан спецоперацияҕа сылдьар уолаттарбыт ийэлэригэр,»Айыыһыт алгыһа» знактары туттарда-Еттянова Полина Васильевнаҕа,Корякина Галина Николаевнаҕа,Петрова Ирина Никитичнаҕа,Иванова Наташа Степановнаҕа,Степанова Татьяна Степановнаҕа.
2022 сыл Ийэ сыла буоларынан,быйыл бастакы оҕолорун күн сирин көрдөрбүт икки эдэркээн ийэҕэ Томская Анисья Артуровнаҕа,Николаева Александра Андреевнаҕа,»Илгэ «саастаах дьоммут түмсүүтүн саамай активнай кыттааччыларыгар Михайлова Ольга Сергеевнаҕа,Акулина Васильевна Седалищеваҕа,Дария Лукинична Григорьеваҕа талба талааннаах ,араас выставкаларга нэһилиэгин чиэһин көмүскүүр киһибитигэр,знактар туттарылыннылар.»#Бары бииргэ!»кыайыы туһугар хамсааһын чэрчитинэн «Герои женщины-гордость России»викторина кыайыылаахтарынан Матрена Гаврильевна Григорьева,Антонина Петровна Захарова,Полина Васильевна Еттянова буоллулар.Саамай истиҥ эҕэрдэлээх,ылбаҕай ырыаһытынан Дария Николаевна Аргунованы ааттаатылар.Викторина,конкурстар түмүктэринэн «Бастыҥтан бастыҥ»ийэ аатын Еттянова Полина Васильевна буолла.Итинник Ийэ дойдуга бэриниилээх буолуу ис хоһоонноох,бэрт сэргэх тэрээһин ааста.